Summer Drink To Prevent Heat Stroke : ઉનાળાની સિઝન શરૂ થઈ ગઈ છે. આવી સ્થિતિમાં હીટ સ્ટ્રોક નો ભય સૌને સતાવી રહ્યો હોય છે. લૂને હીટ સ્ટ્રોક અથવા સનસ્ટ્રોક પણ કહેવામાં આવે છે. ઉનાળામાં, શરીર પોતાને ઠંડુ રાખવા માટે પરસેવો કરે છે, પરંતુ જ્યારે આ પ્રક્રિયા નિષ્ફળ જાય છે, ત્યારે શરીરનું તાપમાન અચાનક વધી જાય છે. આ સાથે, ગરમ હવા અને તીવ્ર સૂર્યપ્રકાશ હીટસ્ટ્રોકનું કારણ બને છે. આવી સ્થિતિમાં જો સમયસર સારવાર ન કરવામાં આવે તો વ્યક્તિનું મૃત્યુ પણ થઈ શકે છે. એટલા માટે સમય સમય પર શરીરને હાઇડ્રેટ કરવું જરૂરી છે, જેથી આપણે હીટ સ્ટ્રોકની સમસ્યાનો સામનો ન કરવો પડે.
હીટ સ્ટ્રોકથી બચવા માટે તમે આ શ્રેષ્ઠ પીણું પી શકો છો. નારિયેળ પાણીથી બનેલું આ પીણું તમને હીટ સ્ટ્રોકથી બચાવે છે. આ સાથે શરીરમાંથી નબળાઈ, થાક અને આળસને દૂર કરવાની સાથે અનેક બીમારીઓથી પણ બચાવે છે. આવો જાણીએ ઉનાળાના આ પીણા વિશે.
ઉનાળામાં ખાસ પીણું બનાવવા માટેની સામગ્રી
- એક ગ્લાસ નાળિયેર પાણી
- અડધી ચમચી વરિયાળી પાવડર
- 1 ટીસ્પૂન પલાળેલા ચિયા બીજ
- અડધી ચમચી ફુદીનો પાવડર
- કાળું મીઠું સ્વાદ મુજબ
ઉનાળામાં ખાસ પીણું કેવી રીતે બનાવવું
એક ગ્લાસ નારિયેળ પાણીમાં એક પછી એક બધી સામગ્રી ઉમેરીને બરાબર મિક્ષ કરી લો. ત્યાર બાદ તેનું સેવન કરો.
1. નાળિયેર પાણી
નાળિયેર પાણીનું સેવન કરવાથી શરીર હાઈડ્રેડ રહે છે. આ સાથે જ કિડની અને હાર્ટને એનર્જીથી ભરપૂર રાખે છે. નારિયેળનું પાણી સોડિયમ, પોટેશિયમ, મેગ્નેશિયમ અને કેલ્શિયમ જેવા ટ્રેસ તત્વોથી ભરપૂર છે જે પરસેવા દ્વારા વિસર્જન થતા ઇલેક્ટ્રોલાઇટ્સને ફરી ભરવામાં મદદ કરે છે.
2. વરીયાળી પાઉડર
વરિયાળીનો પાઉડર વિટામિન સીથી ભરપૂર હોય છે, જે ગરમીને કારણે શરીરમાં થતી બળતરા ઘટાડવામાં મદદ કરે છે.
3. ફુદીનો
ફુદીનામાં મેન્થોલ ભરપૂર માત્રામાં જોવા મળે છે, જે શરીરના વધેલા તાપમાનને ઘટાડવામાં મદદ કરે છે. આની સાથે પાચનતંત્રને સ્વસ્થ રાખવાની સાથે અનેક બીમારીઓથી બચાવે છે.
4. ચિયા બીજ
તેને ઠંડકનું સાધન માનવામાં આવે છે, કારણ કે તે આપણા શરીરમાં પાણીની સામગ્રીને જાળવી રાખવામાં મદદ કરે છે અને તેને હાઇડ્રેટેડ રાખે છે. આ સાથે, તે હાઈ બ્લડ પ્રેશર, વજનને નિયંત્રિત કરવામાં મદદ કરે છે અને થાકની સમસ્યાને દૂર કરે છે.
આ પણ વાંચો : આ 4 ખાદ્યપદાર્થો પેટમાં ઝડપથી બનાવે છે યુરિક એસિડ, વધુ સેવન કરવાથી કિડનીમાં પથરી થશે