Grey Hairs Remedies : આજકાલ કામનું વધતું દબાણ અને રોજિંદી દોડધામ આપણા સ્વાસ્થ્યને અસર કરવા લાગી છે. સ્વાસ્થ્યની સાથે સાથે આપણી જીવનશૈલીની અસર પણ આપણી ત્વચા અને વાળ પર દેખાવા લાગે છે. વધતા જતા તણાવ અને ખાવામાં બેદરકારીના કારણે આજકાલ મોટાભાગના લોકો અકાળે વાળ સફેદ થવાની સમસ્યાથી પરેશાન છે.
આવી સ્થિતિમાં, ઘણા લોકો નાની ઉંમરમાં જ સફેદ વાળથી છુટકારો મેળવવા માટે કેમિકલયુક્ત હેર ડાઈનો ઉપયોગ કરે છે. પરંતુ આ હેર ડાઈઝના કારણે આપણા વાળને પણ નુકસાન થઈ શકે છે. જો તમે પણ સફેદ વાળની સમસ્યાથી પરેશાન છો, તો આ ઘરેલું ઉપચારની મદદથી તમે તમારા વાળને કુદરતી રીતે કલર કરી શકો છો.
આમળા અને મેથી : જો તમે તમારા વાળને કાળા કરવા માંગો છો, તો તમે આ માટે આમળા અને મેથીનો ઉપયોગ કરી શકો છો. તેનો હેર પેક તૈયાર કરવા માટે ત્રણ ચમચી આમળા પાઉડરમાં મેથી પાવડર અને થોડું પાણી મિક્સ કરીને પેસ્ટ બનાવો અને થોડી વાર રહેવા દો. હવે આ પેકને તમારા વાળમાં લગાવો અને એક કલાક પછી વાળ ધોઈ લો. તેને થોડા મહિના સુધી લગાવવાથી તમારા સફેદ વાળની સમસ્યા દૂર થઈ જશે.
ડુંગળીનો રસ : ડુંગળી વાળ માટે ખૂબ જ ફાયદાકારક માનવામાં આવે છે. વાળને કાળા કરવા માટે તમે ડુંગળીનો ઉપયોગ પણ કરી શકો છો. આ માટે ડુંગળીનો રસ કાઢીને તમારા વાળમાં લગાવો અને 30 મિનિટ સુધી આ રીતે રહેવા દો. હવે નિશ્ચિત સમય પછી વાળ ધોઈ લો. આમ કરવાથી તમારા વાળની કાળાશ વધશે અને વાળ સંબંધિત અન્ય સમસ્યાઓ પણ દૂર થશે.
બ્લેક ટી : સફેદ વાળને કાળા કરવા માટે તમે બ્લેક ટીનો પણ ઉપયોગ કરી શકો છો. આ માટે એક કપ પાણીમાં બે ચમચી બ્લેક ટી અને એક ચમચી મીઠું ઉમેરીને સારી રીતે ઉકાળો. હવે આ પાણી ઠંડુ થઈ જાય પછી તેનાથી તમારા વાળ ધોઈ લો. રોજ આમ કરવાથી તમારા વાળ કાળા તો થશે જ સાથે સાથે ચમકદાર પણ બનશે.
મહેંદી અને કોફી : જો તમે તમારા વાળને કુદરતી રીતે કાળા કરવા માંગો છો, તો તમે મહેંદી અને કોફીથી બનેલો હેર માસ્ક લગાવી શકો છો. આ માસ્ક બનાવવા માટે, એક કપ પાણીમાં એક ચમચી કોફી ઉમેરો અને તેને ઉકાળો.
હવે જ્યારે પાણી ઠંડુ થઈ જાય ત્યારે તેમાં મેંદીનો પાવડર ઉમેરો. આ પછી આ મિશ્રણને વાળમાં લગાવો અને થોડી વાર રહેવા દો. બાદમાં એક કલાક પછી સામાન્ય પાણીથી વાળ ધોઈ લો.
આ પણ વાંચો
- વાળ સમય પહેલા સફેદ થઈ ગયા છે? વાળને કાળા કરવા માટે અજમાવો આ 5 ઘરેલું ઉપાય
- આ ઔષધિ સફેદ વાળને ફરી કાળા કરી દેશે, વાળ ખરવા અને ખોડો પણ થઇ જશે દૂર
- સફેદ વાળને કાળા કરવા માટે મીઠા લીમડાના પાંદડાનો કરો આ રીતે ઉપયોગ થોડા જ દિવસ પ્રયોગ કરીને જુવો
જો તમારા વાળ પણ અકાળે સફેદ થવા લાગ્યા હોય તો તમે અહીંયા જણાવેલ ઘરેલુ ઉપાય અજમાવી શકો છો. અમે આશા રાખીએ છીએ કે તમને આ લેખ પસંદ આવ્યો હશે.