Blood Pressure : ડાયાબિટીસ એ એક ક્રોનિક રોગ છે, જે વ્યક્તિના આખા શરીરને ખરાબ રીતે અસર કરે છે. આરોગ્ય નિષ્ણાતોના મતે જ્યારે સ્વાદુપિંડ પૂરતું ઇન્સ્યુલિન ઉત્પન્ન કરતું નથી અથવા ઉત્પન્ન થયેલ ઇન્સ્યુલિન અસરકારક રીતે કામ કરતું નથી ત્યારે લોહીમાં સુગરનું પ્રમાણ વધી જાય છે. આને ડાયાબિટીસ કહેવાય છે.
સામાન્ય રીતે ડાયાબિટીસની સમસ્યા અયોગ્ય આહાર, જીવનશૈલી અથવા આનુવંશિક કારણોસર થઈ શકે છે. આ સમસ્યાના કારણે હવે માત્ર વૃદ્ધો જ નહીં પરંતુ યુવાનો પણ ઝડપથી તેનો શિકાર બની રહ્યા છે. આ એક અસાધ્ય રોગ છે જેને મૂળમાંથી નાબૂદ કરી શકાતો નથી પરંતુ તેને કાબૂમાં કરી શકાય છે. બ્લડ સુગરને કંટ્રોલ કરવા માટે વિવિધ ઘરેલું ઉપાયો છે. આવી સ્થિતિમાં તમે ઈચ્છો તો આ રીતે આ જાંબુ નું સેવન કરી શકો છો.
ડાયાબિટીસના લક્ષણો (Symptoms of Diabetes)
શરીરમાં બ્લડ સુગર વધવાના લક્ષણો ખૂબ જ વહેલા શરીરમાં દેખાવા લાગે છે, જેને સમયસર ઓળખીને સરળતાથી નિયંત્રિત કરી શકાય છે. અતિશય ભૂખ, રાત્રે વારંવાર પેશાબ, બિનજરૂરી વજન ઘટવું, અસ્પષ્ટ દ્રષ્ટિ, હાથ પગ સુન્ન થઈ જવા, વધુ પડતો થાક, શુષ્ક ત્વચા વગેરેનો સમાવેશ થાય છે.
બ્લડ સુગર કંટ્રોલ કરવા માટે જાંબુનું સેવન
ડાયાબિટીસના દર્દીઓએ દરરોજ તાજા જાંબુનું સેવન કરવું જોઈએ. આ સાથે તેના દાણાને સાચવીને છાયામાં સૂકવી લો. જ્યારે તે સારી રીતે સુકાઈ જાય. આ પછી તેને ગ્રાઇન્ડરમાં નાખીને પાવડર બનાવી લો. આ પછી તેને એર ટાઇટ કન્ટેનરમાં રાખો.
જાંબુના પાવડરનું આ રીતે કરો સેવન
દરરોજ સવારે ખાલી પેટે એક ગ્લાસ નવશેકા પાણીમાં 3-4 ગ્રામ આ ચૂર્ણ લો. તેને બરાબર મિક્સ કરીને પી લો.
બ્લડ સુગરમાં કેવી રીતે કામ કરશે જાંબુના ઠળિયામાંથી બનાવેલ ચૂર્ણ
ચોમાસાની ઋતુ શરૂ થતાં જ જાંબુ પુષ્કળ પ્રમાણમાં આવવા લાગે છે. પોષક તત્ત્વોથી ભરપૂર જાંબુ બ્લડ સુગરને કંટ્રોલ કરવામાં તેમજ અન્ય ઘણી બીમારીઓથી રાહત અપાવી શકે છે.
સ્વાસ્થ્ય નિષ્ણાતોના મતે જામુનને લો ગ્લાયસેમિક ઇન્ડેક્સ ફળ માનવામાં આવે છે. આવી સ્થિતિમાં તેનું સેવન કરવાથી બ્લડ શુગર લેવલ કંટ્રોલમાં રહે છે. આ સાથે તે ઇન્સ્યુલિન વધારવામાં મદદ કરે છે. આ સિવાય તે વિટામિન સી અને એન્ટીઓક્સીડેન્ટ ગુણોથી ભરપૂર છે, જે રોગપ્રતિકારક શક્તિને મજબૂત કરવાની સાથે હૃદય અને પેટને મજબૂત રાખવામાં મદદ કરે છે.
આ પણ વાંચો : ડાયાબિટીસની સમસ્યા હોય તો કેરી ખાતા પહેલા આ વાત જાણી લેજો તમારા માટે કેરી ખાવી ફાયદાકારક છે કે નુકશાનકારક
