શરીરમાં આયર્નની ઉણપ હોય કે હાઈ બીપીએ પરેશાની વધારી દીધી હોય, બીટ દરેક બીમારીનો ઈલાજ બની શકે છે. બીટમાં વિટામિન સી, આયર્ન, બીટા કેરોટીન ભરપૂર માત્રામાં હોય છે, જે તમને ઘણી બીમારીઓથી દૂર રાખવામાં મદદ કરે છે. મોટાભાગના લોકો તેનું સેવન જ્યુસ, સલાડ, શાકના રૂપમાં કરે છે.
પરંતુ શું તમે જાણો છો કે બીટનું વધુ પ્રમાણમાં સેવન કરવાથી ફાયદાની જગ્યાએ નુકસાન થઈ શકે છે. તો આવો જાણીએ કે કયા લોકોએ બીટના વધુ પડતા સેવનથી બચવું જોઈએ. લો બ્લડ પ્રેશર: લો બ્લડપ્રેશરના દર્દીઓએ વધુ પડતું બીટ ન ખાવું જોઈએ.આમ કરવાથી તેમનું બ્લડ પ્રેશર વધુ ઘટી શકે છે.
બીટમાં કુદરતી રીતે હાઈ સ્તરના નાઈટ્રેટ્સ હોય છે, જે તમારી પાચન તંત્ર નાઈટ્રિક ઑક્સાઈડમાં ફેરવે છે.આ ઘટક રુધિરવાહિનીઓને આરામ આપે છે અને વિસ્તરે છે, જે બ્લડ પ્રેશરને વધુ ઘટાડે છે.એટલા માટે લો બ્લડ પ્રેશરની સમસ્યાથી પીડિત લોકોએ બીટના સેવનથી બચવું જોઈએ.
પથરીના દર્દીઓ : જો તમને ઓક્સલેટ યુક્ત કિડનીની પથરી થવાની સંભાવના હોય તો બીટ તમારા માટે હાનિકારક સાબિત થઈ શકે છે. વાસ્તવમાં, બીટમાં ઓક્સાલેટની માત્રા ઘણી વધારે હોય છે, જેના કારણે કિડનીમાં પથરીની સમસ્યા વધુ ગંભીર બની જાય છે. જો તમે કિડનીની પથરીથી પીડિત છો, તો તમારા ડૉક્ટર બીટ ટાળવા અથવા તેને મધ્યમ માત્રામાં ખાવાની પણ ભલામણ કરી શકે છે.
શુગર લેવલ વધારે : બીટનું સેવન કરવાથી બ્લડ સુગર વધી શકે છે. જે લોકોનું શુગર લેવલ પહેલેથી જ વધારે છે, તેઓએ ભૂલથી પણ બીટનું સેવન ન કરવું જોઈએ. વાસ્તવમાં, બીટમાં ગ્લાયકેમિક ઇન્ડેક્સ વધારે હોય છે.આ કારણે હાઈ બ્લડ શુગર ધરાવતા લોકોએ બીટનું સેવન ટાળવું જોઈએ.
~
લીવરને નુકશાન : અભ્યાસ દર્શાવે છે કે બીટના વધુ પડતા સેવનથી લીવરની સમસ્યા પણ થઈ શકે છે. બીટમાં કોપર, આયર્ન, ફોસ્ફરસ, મેગ્નેશિયમ હોય છે. વધુ પડતાં આ ખનિજો યકૃતમાં જમા થવા લાગે છે અને તેને નુકસાન પહોંચાડે છે. બીટ વધુ ખાવાથી શરીરમાં કેલ્શિયમની માત્રા ઓછી થવા લાગે છે, જેના કારણે હાડકાંની સમસ્યા વધી જાય છે.
એલર્જીના કિસ્સામાં: જો કોઈ વ્યક્તિને બીટથી એલર્જી હોય, તો બીટનું સેવન કરવાથી ત્વચા પર ફોલ્લીઓ, એલર્જીક પ્રતિક્રિયાઓ થઈ શકે છે. જો તમને બીટ ખાવાથી એલર્જીની સમસ્યા થતી હોય તો ડોક્ટરની મુલાકાત લો.
જો તમે અહીંયા જણાવેલી કોઈ સમસ્યાથી પીડાઈ રહ્યા છો અને બીટનું વધુ પડતું સેવન કરો છો તો હવેથી બંધ કરી દેજો અથવા ઓછા પ્રમાણમાં બીટનું સેવન કરો.
