આજના સમયની આપણી ખરાબ જીવનશૈલી અને ખાવાની ટેવોને કારણે વજન વધવું અને ચરબી જમા થવી એ સૌથી મોટી મુશ્કેલી બની ગઈ અને તેનાથી છુટકારો મેળવવો પણ ખૂબ જ મુશ્કેલ છે. પેટની ચરબી માત્ર માત્ર દેખાવમાં ખરાબ લાગે પરંતુ તે ટાઇપ 2 ડાયાબિટીસ અને હ્રદય રોગ જેવા અનેક મેટાબોલિક રોગોનું જોખમ પણ વધારે છે.
આવી સ્થિતિમાં, પેટની ચરબીને તરત જ દૂર કરવાની જરૂર છે. આ માટે નિયમિત કસરતની સાથે ખાવાની આદતમાં સુધારો કરવો પણ ખુબ જ જરૂરી છે. આ લેખમાં તમને ન્યુટ્રિશનિસ્ટ દ્વારા જણાવવામાં આવેલી ટિપ્સ વિષે જણાવીશું જે પેટની ચરબી ઘટાડવા માટે મદદરૂપ સાબિત થશે. આ ટિપ્સને નિયમિતપણે અનુસરવાથી પેટની હઠીલી ચરબી દૂર કરવામાં મદદ મળી શકે છે. તો આવો જાણીએ.
View this post on Instagram
થોડું થોડું ખાઓ : સ્થૂળતા ઘટાડવા માટે , એક સમયે ખાવાને બદલે, થોડી માત્રામાં વારંવાર ખાવાથી વધુ ફાયદો થાય છે. મીની ભોજન તમારા નિયમિત ભોજન કરતા અડધું છે. તે પેટનું ફૂલવું ઘટાડે છે, જ્યારે પાચનમાં સરળ છે. આની સાથે જ તે પેટની પાસે જમા થયેલી ચરબીને ઘટાડવામાં પણ મદદ કરે છે.
ભોજન વચ્ચે આટલો સમય અંતર રાખો : ખોરાકથી દૂર ભાગવાને બદલે, પેટને વધતું અટકાવવા માટે નિશ્ચિત સમયના અંતરાલમાં ખોરાક લેવો અસરકારક છે. નિષ્ણાતો પેટની ચરબી ઘટાડવા માટે દર 4 કલાકના અંતરાલમાં ખાવાની ભલામણ કરે છે.
આહારમાં ઉચ્ચ ફાઇબરવાળા ખોરાકનો સમાવેશ કરો: ફાઈબરમાં ચરબી બર્ન કરવા માટે કોઈ જાદુઈ ગુણધર્મો નથી. પરંતુ તે તમારા આહારમાં ઘણી બધી કેલરી ઉમેર્યા વિના તમને ભરેલું હોવાનો અનુભવવામાં મદદ કરે છે. જેના કારણે તમે વધારે ખાવાથી થતી મેદસ્વીતાથી બચો છો. એટલા માટે નિષ્ણાતો પણ ખોરાકમાં ઉચ્ચ ફાઇબરવાળા ખોરાકનો ઉપયોગ કરવાની ભલામણ કરે છે.
રીફાઇન્ડ કાર્બોહાઇડ્રેટ્સ ટાળો : રિફાઈન્ડ કાર્બોહાઈડ્રેટ્સમાં ફાઈબર, વિટામિન્સ અને મિનરલ્સ ઓછા હોય છે. જેના કારણે તે શરીરને લગભગ કોઈ ફાયદો થતો નથી. પરંતુ તેના બદલે, તેના સેવનથી હોર્મોન અસંતુલન, સ્થૂળતા અને ઘણી ગંભીર બીમારીઓનું જોખમ વધે છે. આવી સ્થિતિમાં, ન્યુટ્રિશનિસ્ટ સફેદ ચોખા, સફેદ બ્રેડ, કેક અને પિઝા જેવા શુદ્ધ કાર્બોહાઇડ્રેટ્સને ટાળવાની ભલામણ કરે છે.
ઓછી માત્રામાં કરો કાર્બોહાઇડ્રેટ્સનું સેવન : નિષ્ણાતોના મતે, 40 વર્ષની ઉંમર પછી તમારા કાર્બોહાઇડ્રેટનું સેવન 40% ઓછું કરવું સ્વાસ્થ્યપ્રદ છે. કારણ કે જેમ જેમ ઉંમર વધે છે તેમ તેમ શરીરની કાર્બોહાઇડ્રેટ બર્ન કરવાની ક્ષમતા ઘટી જાય છે, જેના કારણે પેટની આસપાસ વધારાની ચરબી જમા થવા લાગે છે. એક રિપોર્ટ અનુસાર તમારા શરીરને દરરોજ 225 થી 325 ગ્રામ કાર્બોહાઇડ્રેટ્સની જરૂર હોય છે.
જો તમે પણ તમારા લટકતા પેટને કડક અને સ્લિમ કરવા માંગો છો તો અહીંયા જણાવેલી ટિપ્સ અનુસરી શકો છો. નિષ્ણાતની જણાવેલી આ ટિપ્સ પસંદ આવી હોય તો તમારા મિત્રોને શેર કરો.
