ખરાબ આહાર અને બેઠાડી જીવનશૈલીને કારણે સ્થૂળતા એ ઝડપથી વધતી સમસ્યા છે. વર્તમાન યુગમાં એક જગ્યા પર બેસીને કામ કરતા લોકો વધુ સ્થૂળતાથી પરેશાન છે. કલાકો સુધી સહેજ પણ હલ્યા વગર ડેસ્ક વર્ક કરવું, ડેસ્ક પર જ ખાવું અને પીવાના કારણે સ્થૂળતા વધવા લાગે છે.
સ્થૂળતા ન માત્ર વ્યક્તિત્વને બગાડે છે પરંતુ શરીરને અનેક રોગોનો શિકાર બનાવે છે. જો સ્થૂળતાને સમયસર કાબૂમાં ન રાખવામાં આવે તો શરીરમાં ડાયાબિટીસ, બ્લડપ્રેશર અને કિડનીના રોગોનો ખતરો વધી જાય છે.
જો તમે પણ વધતા વજનથી પરેશાન છો તો શરીરને શક્ય હોય એટલું સક્રિય રાખો અને આહાર પર ખાસ ધ્યાન આપો. આહારમાં એવો ખોરાક લો જે વજન ઘટાડવામાં અસરકારક સાબિત થાય છે. બાબા રામદેવના જણાવ્યા અનુસાર, કેટલીક એવી જડીબુટ્ટીઓ છે જેનો ઉપયોગ કરીને મેદસ્વીતાને ઝડપથી નિયંત્રિત કરી શકાય છે.
આ જડીબુટ્ટીઓનું સેવન સ્થૂળતાને નિયંત્રિત કરવામાં ખૂબ જ અસરકારક સાબિત થાય છે. તો આવો જાણીએ કઈ એવી કઈ જડીબુટ્ટીઓ છે જે વજન ઘટાડવામાં રામબાણ સાબિત થાય છે.
વજન ઘટાડવા માટે આમળાનો જ્યુસ: બાબા રામદેવના મતે આમળાનો જ્યુસ વજન ઘટાડવા માટે ખૂબ જ અસરકારક સાબિત થાય છે. આમળાનો જ્યુસ ચયાપચયને વેગ આપે છે અને વજનને નિયંત્રિત કરે છે. તેનું સેવન કરવાથી શરીરમાં ચરબી ઓછી થાય છે.
વાસ્તવમાં આમળાનો જ્યુસ પીવાથી પેટ લાંબા સમય સુધી ભરેલું રહે છે અને ભૂખ ઓછી લાગે છે. જો તમને ભૂખ ઓછી લાગશે તો તમે ઓછું ખાશો અને વજન પણ નિયંત્રણમાં રહેશે. વજન ઘટાડવાની સાથે-સાથે આમળાનો રસ શરીરને અનેક રોગોથી પણ બચાવે છે.
એલોવેરા જ્યુસનું સેવન કરો: એલોવેરા જ્યૂસ એન્ટીઑકિસડન્ટ ગુણોથી ભરપૂર હોય છે જે વજન ઘટાડવામાં ખૂબ જ અસરકારક સાબિત થાય છે. તેમાં રહેલા તત્વો ચયાપચયને વેગ આપે છે અને સ્થૂળતાને નિયંત્રિત કરે છે.
સવારે ખાલી પેટ એલોવેરા જ્યુસનું સેવન કરવાથી શરીરમાંથી વધારાની ચરબી ઓછી કરી શકાય છે. આ એક એવું પીણું છે જે પેટની ચરબી ઘટાડવામાં મદદ કરી શકે છે. જો તમે પણ વધતા વજનથી પરેશાન થઇ ગયા છો તો તમે આ જ્યૂસનું સેવન કરી શકો છો અને વજન ઘટાડી શકો છો.
